Владата донесе одлука за доделување три одобренија за користење на радиофреквенции за 3Г-технологија.
Почетната висина на еднократниот надоместок за користење на радиофреквенциите е 10 милиони евра. Во следниот период треба да започне тендерската процедура за доделување на одобренијата.
Од Министерството за транспорт и врски информираат дека со ова ќе се овозможи поголема либерализација на пазарот на електронски комуникации, поголема конкурентност и обезбедување пристапни и квалитетни услуги до овие технолошки достигнувања.
На почетокот од годинава одобрение за користење радиофреквенции за 3Г-технологија доби компанијата „Космофон“. Со 3Г технологијата се овозможува широк спектар на интегрирани услуги, како што се говор, податоци, слики и видео, односно брз пренос на податоци преку мобилен телефон, услуги од типот „видеоповик“, брз Интернет, како и високо ниво на сигурност при пренос на информациите. (МИА)
