Во Оксфорд издадена книга на археологот Гоце Наумов
Во издание на реномираната издавачка куќа „Archaeopress“ од Оксфорд неодамна е објавена книгата „Орнаменти и телесност: Неолитска визуелна култура од Република Македонија“ на младиот археолог од земјава Гоце Наумов.
Ова е прва монографија од македонски археолог објавена во Англија, која според авторот, пред се', има цел да ги презентира клучните елементи на македонскиот неолит пред пошироката светска научна јавност. „Во тој контекст, ова дело ги елаборира современите текови во археолошките истражувања, концентрирани на неолитската визуелна култура, а воедно и на изградено научно ниво го претставува предисториското, културно наследство од територијата на Република Македонија.
Реномираната издавачка куќа „Archaeopress“, во рамките на Бритиш археолоџикал репорт (B.A.R.), има вклучено дела на бројни еминентни археолози од Европа и од САД. (К.Б.) |
