Бензинот поевтин за 1,5, а дизелот за 4 денари
Бензините од денеска поевтинуваат за 1,5, а дизелот за четири денари за литар, одлучи вчера Регулаторната комисија за енергетика (РКЕ). Со одлуката се врши намалување на рафинериските и на малопродажните цени на нафтените деривати во просек за 5,20, односно за 4,16 отсто. Новата цена на моторниот бензин МБ-96 ќе изнесува 73 денари, ЕУРОСУПЕР-95 ќе се продава за 70 денари, а ЕУРОСУПЕР-98 за 71 денари за литар.
ЕУРОДИЗЕЛ (Д-Е ИВ) ќе чини 67 денари за литар, додека цената на екстра- лесното за домаќинство (ЕЛ) и на екстра-лесно масло за домаќинство-1 (ЕЛ-1) се намалува за 4,5 денари и ќе изнесува 55,50, односно 56 денари за литар.
Со одлуката на РКЕ за 1,724 денари за килограм се намалува и малопродажната цена на мазутот М-2, кој сега ќе се продава за 34,438 денари за килограм. (МИА) |
