ГВИНЕТ ПАЛТРОУ
Ги навреди активистите за правата на животните
Актерката Гвинет Палтроу, сопруга на познатиот пејач и вегетаријанец Крис Мартин, предизвикала гнев кај активистите за правата на животните, појавувајќи се во крзно за маркетинг-потребите на модниот бренд „Тод“. Одлуката на Гвинет да се појави во реклама за модната куќа „Тод“, која изработува производи од змиска и ноева кожа, едноставно, ги шокирала активистите за правата на животните, кои јавно го искажале својот бес. „Очигледно дека нејзината убавина е површна“, огорчено изјавил портпаролот на организацијата ПЕТА.
Упатените тврдат дека ваквиот потег на актерката би можел сериозно да го загрози пријателството со Стела Макартни, која ги поддржува активистите и воопшто не користи крзно во изработката на своите модели. Палтроу била избрана за модел на колекцијата есен/зима, а на тоа место ја заменила Сиена Милер. |
