Нов асфалт на повеќе улици во Ѓорче Петров
Градежната фирма „Пелагонија инженеринг“ ќе ги асфалтира улиците „Рафаило Батина“, „Рамиз Садику“, „Николај Островски“ и еден крак од „Мајски манифест“ во населбата Хром. Во моментов, информираат од Општина Ѓорче Петров, во завршна фаза е тендерската постапка за избор на најповолен изведувач за изградба на улиците „Кузман Шапкарев“, „Трајко Бошковски-Тарцан“ и улиците „2“ и „3“ во населбата Јурија. Улиците ќе бидат реконструирани и надградени со нов слој асфалт. Градежните работи треба да завршат до крајот на септември, а финансиите се обезбедени од буџетот на општината. (С.Н.)
|
