КРИСТИНА АГИЛЕРА
Секси враќање на сцената
Заради потребите на снимањето на новиот албум, пејачката Кристина Агилера морала да се врати во форма по породувањето и со тоа да и' докаже на јавноста дека почнува нејзината нова музичка ера.
Нејзиното цеде „Најдоброто од Кристина“ со плус две нови песни ќе пристигне на пазарот во текот на идниот месец.
Името на албумот ќе биде „Работите одат на подобро - декада на хитови“ , при што освен најголемите хитови на Агилера, ќе се најдат и двете нови песни „Работите одат на подобро“ и „Динамит“. На фотографиите за новиот албум Кристина покажала дека изгледа подобро од кога и да е, не оставајќи зад себе ниту трага од мајчинството.
Откако во јануари оваа година го роди синот Макс, Агилера повеќе од потребното ги зголемила килограмите, но хранејќи се здраво и постојано вежбајќи, успеала да се врати во старата форма. Притоа, открила дека сега како мајка и сопруга се чувствува посекси од кога и да е. „Мислам дека човекот станува посекси кога почнува да го согледува својот живот, кога е поискусен и кога учи на своите грешки“, изјавила Агилера, која додала дека во секој момент успева да најде малку време и за себе. |
