Вања Лазарова

пејачка

Убав и важен ден за мене. Вечерва, во 20 ч. во Културно-информативниот центар во Скопје ќе биде промовиран мојот најнов проект, албумот „Генофонија“, што го работев со групата НАВ. Денот ќе ми мине во подготовка за промоцијата, а можеби во текот на денот ќе имаме и проба.

Горан Тренчовски

режисер

Утринава ги очекувам првите примероци од мојата нова книга есеи „Парс про тото“. Напладне имам еден договор за реализација на документарецот „Духот на татко ми“. Приквечер сум окупиран со обврски поврзани со Тивериополската филмска алијанса, а потоа се препуштам на агендата на петгодишниот син Лука.

Лозенка Павлевска

фармацевт

По неодамнешната промоција на козметиката „Д-р Хаушка“, сега сум ангажирана околу ширењето на продажната мрежа. Во тој контекст, претпладне имам состанок со Маја од аптеката „Галениум“, а потоа на договорено интервју. Попладне ги земам децата од градинка и започнува семејниот викенд.