Оптички кабел на линија Скопје - Кичево
ТЕТОВО - На железничката линија Скопје-Кичево се поставува оптички кабел за Интернет и телефонско поврзување. Кабелот ќе овозможи побрза, поквалитетна и поедноставна комуникација меѓу железничките станици и постројки. Подземниот оптички кабел веќе е поставен од Ѓорче Петров до Радуша, а на оваа релација ќе има и сигурносни сигнални уреди.
Според Бесник Јусуфи, шеф на железничката станица во Тетово, планирано е проектот да биде реализиран до ноември годинава. Како посебен проблем Јусуфи посочува на честите кражби на кабли поради високата вредност на материјалот во откупните пунктови. Тоа е причина поради што поставувањето кабли временски се одолжува, но и се поскапува.
Инаку, во Тетовскиот регион покрај повеќето диви премини преку железничката пруга, посебен проблем претставуваат двата официјални премина - кај Ратае и кај Фалише. (Г.Е.) |
