Управата за спречување перење пари ќе санкционира шест банки
Управата за спречување перење пари и финансирање тероризам (УСППФТ) ќе санкционира шест банки во Македонија кои веќе подолго време имаат некооперативен однос спрема оваа институција.
Од Управата како некооперативни ги посочуваат Еуростандард банка, Алфа банка, УНИ банка, Извозна и кредитна банка, Поштенска банка и Капитал банка.
Според законот, предвидени се казни од 5.000 евра за секоја сомнителна трансакција која не била пријавена во Управата. Според директорот на УСППФТ, Ване Цветанов, во секоја од шесте банки кои не соработувале со управата има просечно од две до три сомнителни трансакции.
„Овие шест банки немаат пројавено никаков интерес да соработуваат со нас. Нашата цел не е да поведуваме прекршочни постапки, туку едноставно сме заинтересирани за подигнување на свеста на граѓаните околу проблемите со перење пари“, рече Цветанов на вчерашната прес-конференција.
Управата во соопштението до медиумите нагласува дека успехот во борбата против перењето пари и финансирањето на тероризмот во огромна мера зависи од соработката на банките со оваа институција и дека нема да се дозволат какви било импровизации на ова поле. (Ек.Р.)
Upravata za sprecuvanje perenje pari e obicna zafrkancija. Ocekuva bankit da gi kodosat svojte klienti za da posle nekoj otide kaj prijavenite i da gi reketira. Za nisto drugo ne sluzi. Nemaat spreceno nitu procesuirano nitu eden perac i zatajuvac. Sekojdnevno baraat podatoci za ovoj za onoj, mnogu od tie i se peceni za vo zatvor tokmu za izvrseno delo perenje pari i zatajuvanje danok, no po pravilo nekoj ke intervenira i se se zaborava. Ako najdat nekoj siten prestapnik moze i ke go osudat ,no sitnite ribi denes ne se sposobni da perat pari i da zatajuvaat danoci. Toa go pravat dobro organizirani strukturi, a tie se zastiteni, taka da ovaa Agencija momentalno za dzabe postoi ,a bankite koj ne davale podatoci mozebi se i vo pravo, zosto da izigravaat "tasteri i kodosi" koga i onaka onie koj imaat zastita vo drzavava i ponatamu si teraat po svoe. Kogo treba da stitime? Tie sto imaat veke zastita za da nekoj drug ne im se mesa vo biznisot so perenje pari i izbegnuvanje danoci? Apsurdno.
