Прв медал од Олимписките игри за Маврициус
Боксерот Бруно Жили го обезбеди првиот олимписки медал за Маврициус во кој било спорт. Дваесетгодишниот Жили го победи на поени Ектор Манзанилја од Венецуела во четврт-финалето, со што си осигура најмалку бронза. Тој ја одушеви публиката во Пекинг, славејќи со 13:9 во возбудлив меч, во кој обајцата си разменуваа силни удари на рингот.
Освојувањето на првиот медал од олимпијадите за островот во Индиски Океан, сместен блиску до источниот брег на Африка, би требало да го прави среќен, но тој не беше задоволен.
„Многу сум искусен и знаев дека ќе победам“, изјави Жили. „Со мојот тренер рековме дека сакаме да ја освоиме титулата и ќе го сториме тоа“.
Можеби и нема да успее во тоа, бидејќи во полуфиналето го очекува Кубанецот Јанкиел Леон.
|
