Јотовски на главниот тениски турнир во Добрич
Томислав Јотовски се избори за настап на главниот турнир на тенискиот фјучерс во бугарскиот град Добрич, кој се игра на земјена подлога и за награден фонд од 10.000 американски долари. Прв противник на 17-годишниот Дејвис куп репрезентативец на Македонија денеска ќе му биде Максим Канаков од Русија, кој е 1345. на АТП-листата. Во двојки, пак, партнер ќе му биде сонародникот Васко Здравкин.
Во првото коло од квалификациите Јотовски го декласира Бугаринот Петар Иванов со 6-1, 6-1, а во второто го совлада и Едуардо Хавиер Аутран-Нидбалски од Чиле со 7-6 (2), 6-2. (Р.Д.) |
