Што прават денеска

Ламбе Алабакоски

пејач

Неодамна се вратив од Италија, каде што престојував четири дена и имав настап. Сега веќе ја подготвувам песната, со која ќе настапам на Балтичкиот фестивал, кој ќе се одржи во Шведска. Јас настапувам на 21 јули и веќе треба сериозно да се размислува и да се подготвува настапот. Во меѓувреме, СП во фудбал на телевизија.

Јордан Симонов

актер

Веројатно, како и 90 отсто од машката популација во државава, а голем дел и од понежниот пол, најголем дел од денот минувам покрај телевизорот со натпреварите од Светското првенство во фудбал. Сепак, вечерва имам и снимање на студентскиот филм на Марко Гојковиќ, „Синот на сатаната“.

Милан Завков

музичар

Веќе завршуваме со оваа сезона на музичката емисија „Зајди, зајди“, што се емитува на ТВ Алфа, па уште денеска имаме снимање. Паралелно се одвиваат и подготовките за летните настапи со „Танец“, како на Балканскиот фолклорен фестивал во Охрид, но и на Охридско лето.