Лејкерси тешко настрадаа во Сан Антонио

Актуелниот првак на НБА лигата славеше со високи 103:84 и намали на 2:1 во финалето на Западот

Кошаркарите на Сан Антонио на свој паркет го одиграа можеби најдобриот натпревар во ова доигрување совладувајќи ги Лејкерси со високи 103:84. Првите 15 минути гостите држеа приклучок, но тогаш тргна серијата од 8:0 и момчињата од Тексас се одлепија. Предноста на границата од двоцифрена бројка ја одржубаа се' до почетокот на последната четвртина, кога повторно тргна серија, сега од 10:0, што стана недостижна предност.

Најефикасен кај Сан Антонио беше Аргентинецот Џинобили со 30, Данкан имаше скор од 22 поени, 21 скок и пет додавања. На ниво беше и Тони Паркер со 20 поени и пет асистенции. Коби Брајант кај Лејкерси постигна 30 поени, а повеќе од 10 постигна само уште Гасол, 15. Моменталниот резултат е 2:1 за Лејкерси, а можност за израмнување сан Антониот ќе има ноќта меѓу вторник и среда, кога се игра четвртиот натпревар.