Горазд Цветковски

- актер

Утринава од 10,30 ч. започнува пробата на "Троил и Кресида" во МНТ и работиме некаде до 13 часот. Потоа продолжувам со кондициони подготовки во теретана, па во сауна, па од 17 часот - повторно се враќам на проба на "Троил и Кресида". Овој пат станува збор за пејачки проби.



Благој Мицевски

- костимограф и сценограф

Денеска сум во Битола и работам на подготовките на премиерата за 11 јули во Битолскиот народен театар. Сепак, на 8 јули имам уште една премиера во Турската драма во Скопје, на "Будење на пролетта", па во периодов сум на релација Битола - Скопје. Откако ќе ги завршам овие две претстави ме очекуваат уште две нови, па ми се чини летово ќе нема одмор.



Миле Кузмановски

- пејач

Со оглед на тоа дека денешниов ден ми е некако споен со вчерашниот - пеев во Кавадарци до 4 часот наутро, ми се чини дека голем дел од денешниов ден ќе го преспијам и ќе собирам енергија за враќање дома, во Скопје. А можеби па и нема да спијам, ха, ха.