Гостиварка учејќи да вози удрила во малолетник, по што побегнала од местото на несреќата. Според полицијата, несреќата се случила завчера попладне на фудбалското игралиште во с.Балиндол-Гостиварско. Х.Х.(52) со „фолксваген џета“, од невнимание, при полукружно свртување удрила во Ф.Б. (14), при што му нанела телесни повреди. По ова таа побегнала од местото на настанот. Повредениот малолетник е пуштен на домашно лекување, а против Х.Х. полицијата најавува дека ќе биде поднесена кривична пријава. (Х.Р.)