Тања Вуисиќ - Тодоровска

примабалерина

Вечерва, во 20 ч., во МОБ ќе се одржи промоцијата на мојата монографија во форма на ДВД-издание. Бидејќи промоцијата е во организација на МОБ , со поддршка на Министерството за култура, мојата најголема „паника“ во текот на денот е што да облечам за промоцијата, ха, ха.

Нино Величковски

пејач

Првата помисла денеска ми е да ја проверам временската прогноза за да се уверам дека нема да врне вечерва во Куманово, за време на мојот концерт на плоштадот. Потоа се надевам дека МТВ нема да штрајкува и ќе го снима концертот за да го емитува в петок. Попладне ги очекувам колегите - гости и планирам концертот да започне во 20,30 часот.

Сања Лефкова

пејачка

Утринава морам да завршам некои обврски на факултет. Потоа целосно се посветувам на последните подготовки за мојата вечерашна промоција, на спотот за песната „Животот е твој“. Од 21 ч. во кафулето „Тренд“ започнува промоцијата.