Наградата „Мито Хаџи Василев-Јасмин“ за Слободанка Јовановска и за Виктор Габер

Слободанка Јовановска од „Утрински весник“ и Виктор Габер се годинашни добитници на државната награда „Мито Хаџи Василев-Јасмин“, што ја доделува секоја година Министерството за култура. Јовановска ја доби наградата за особено значајни остварувања во новинарството во Македонија, а Габер за значајни остварувања во публицистиката, поточно за последната книга за спорот околу името на Македонија со Грција.

Одлуката ја донесе Одбор за доделување на наградата под претседателство на Борис Поп Ѓорчев, а таа ќе биде врачена во Собранието на 21 декември.