Насловна

ЏИМ КЕРИ

Разделба од Џени Мекарти

Канадскиот актер Џим Кери и неговата партнерка Џени Мекарти се разделуваат по пет години заеднички живот.

„Џени и јас ја завршивме нашата врска по пет години. Многу сум и' благодарен за моментите на среќа што ги споделивме и и' посакувам се' најдобро! Се' е в ред“, напишал 48-годишниот актер на социјалниот сајт „Твитер“.

„Пресреќна сум поради годините што ги делевме Џим и јас“, навела 37-годишната Џени Мекарти, актерка и некогашна моделка на „Плејбој“.

Џим Кери се проби во филмскиот свет во почетокот на 1990-тите години на минатиот век, со филмот „Ејс вентура, детектив за домашни миленици“, а потоа и со филмот „Маска“. Стана првиот актер чиј хонорар надмина 20 милиони долари од филм, благодарение на улогата во „Кејбл гај“ од 1996 година. Тој е и добитник на два „Златни глобуса“ за улогите во филмовите „Шоуто на Труман“ и „Човек на Месечината“.