ТЕТОВО – Трагедија се случи завчера во Тетово, кога вујко паркирајќи го возилото го прегазил тригодишниот внук. Несреќниот случај, според полицијата, е регистриран во неделата, околу 17 часот, на улицата „113“ во Тетово.

Тригодишното дете било на гости кај својот вујко. Во еден момент излегло на улицата, додека вујко му П.З. (38) влегол во своето возило „БМВ-Х5“. Движејќи се назад Бајазит не го забележал детето кое истрчало зад него и го прегазил со задното лево тркало. Веднаш потоа тешко повреденото дете го пренел во тетовската болница, но било доцна. Тригодишното дете им подлегнало на здобиените повреди. Увид на самото место извршиле истражен судија, јавен обвинител и полициска екипа. Телото на починатото дете било предадено на семејството и во текот на вчерашниот ден е погребано на муслиманските гробишта во Тетово. (Г. Е.)