„Фејсбук“ во трка за најпосакуван работен простор

Загреб - Работните простории на „Гугл“ одамна влег��а во легенда со релаксирана атмосфера, соби за игри, храна на секој чекор и слично, но во трката за најпосакуван работен простор се вклучи и другиот Интернет-гигант „Фејсбук“.

Околу 700 вработени во иднина работното време ќе го минуваат во нова зграда во Пало Алта, на површина од 14 илјади квадратни метри, чиј внатрешен простор го осмислија вработените. На секој чекор се простории за дружење, а кујната и кафеаната нудат гурмански оброци за вработените во секој дел од денот, објавува „Јутарњи лист“. (МИА)