Пресудата за „Тифани“ стигна до Апелација
Во Апелациониот суд во Скопје вчера беше одржана јавна седница по поднесените жалби на пресудата што во февруари годинава беше донесена против ексдиректорката на УЈП, Петра Митева. Според мислењето на адвокатот Стеван Павлевски, пресудата е контрадикторна, а од преземените постапки не била причинета штета. Митева пред судот рече дека со договорот што бил постигнат не била причинета штета, а со отворање судска постапка против неа само е нарушен нејзиниот углед и здравје.
Петра Митева се товареше дека донела решение за набавка на административно-деловен простор за потребите на УЈП, за што склучила непосредна спогодба со Љупчо Палевски за објектот „Тифани“, кој се' уште не бил изграден. Со првостепената пресудата Митева беше обврзана во рок од три месеци во државниот буџет да уплати 35 милиони денари, односно износот за колку била оштетена државата. (Љ.С.) |
