По ваш вкус

Панирани ролнички од бело месо

ПОТРЕБНО Е:

l Состојки: 1 парче бело пилешко месо, шунка, кашкавал, зачини, лебни трошки, брашно, 2 јајца, масло за подмачкување

НАЧИН НА ПОДГОТОВКА:

Месото се одвојува од коските, се сече на шницли за да се исчукаат тенко и се зачинуваат по желба: црн пипер, сол, оригано... Колку што има шницли, исто толку се потребни и кругови шунка. На секоја шницла се реди по еден круг шунка и по еден лист кашкавал. Така подготвената шницла се витка во ролат, па се валкаат во брашно, изматени јајца, лебни трошки и се пржат додека не поруменат. Оние што не се вешти, можат ролничките да ги прицврстат со чепкалки за да не се раздвојуваат при пржењето. Или пред панирањето да се стават неколку минути во фриз за да се стегнат.