Претходен број

Пловен Вардар од пешачкиот мост зад зградата на Владата до мостот кај Народна банка, урбанизација на двата брега, спортски и забавни содржини, сплавови... Реализација на ваков проект ветува Лазар Еленовски од СДУ доколку стане градоначалник на Скопје. Идејата на Еленовски е реката Вардар да стане синоним за градот како мултифункционална содржина, а воедно и мост со другата страна на градот.

„Истовремено, планираме и ревитализација на Старата чаршија, така што и овој проект заедно со идејата за пловен Вардар ќе му даде една целина на градот. Сметаме дека тоа ќе може да се реализира со пари од градската каса. Пресметавме дека идејата е поскапа отколку што би не' чинела нејзината изведба“, изјави вчера Еленовски, кој не ја презентираше во целост својата програма, туку најави дека секој ден во текот на кампањата ќе презентира по неколку проекти од неа. (Дс.Т.)