„Еколог“ подари транспортери за чиста околина

ТЕТОВО - Компанијата "Еколог" вчера подари три професионални камиони за собирање и транспорт на отпад на општините Тетово, Гостивар и Сарај. Под мотото "За подобра и чиста околина", генералниот менаџер на компанијата Љазим Дестани, им ги врачи клучевите на современите возила на градоначалниците на трите општини, чија вкупна вредност изнесува 300.000 долари.

"Со оваа донација им помагаме на општините да ја подобрат лошата состојба и даваме придонес на граѓаните за успешно справување со отпадот на најсовремен начин и да го заштитиме населението од можни последици", беше истакнато на вчерашната свеченост. Со оваа донација компанијата по втор пат издвојува средства за иста намена по онаа од 2005 година свесни за значењето на екологијата и важноста за нејзиното одржување во градот од каде што потекнува компанијата "Еколог".

"Се гордееме што успеавме да развиваме бизнис во светски стандарди. Даваме придонес да ја видиме Македонија во ЕУ толку посакувана дестинација. Камионите што ги подаруваме се адекватни на нивната намена, опремени со механизација што одговара ��а современите трендови", подвлече Љазим Дестани. Компанијата "Еколог" во Тетово постои веќе десет години со 130 вработени, а свои претставништва има во Германија, Кина, Турција, САД, Кувајт и во Обединетите Арапски Емирати. (Г.Е.)