Концерт на хорот за духовна музика „Мелодија“

Вечерва на „Охридско лето“ во црквата „Св. Софија“ во 21 часот ќе одржи концерт хорот за духовна музика од Србија - „Мелодија“. Ансамблот ќе изведува словенска и византиска музика под диригентство на Дивна Љубоевиќ.

Љубоевиќ од својата десета година учи црковно пеење во манастирот „Воведување“ во Белград, а со диригирањето се занимава повеќе години - најпрвин во пејачкото друштво „Мокрањац“ во Бе��град, а потоа во првото Белградско пејачко друштво, најстарото во Србија, како неговиот најмлад диригент. Хорот и Студиото за духовна музика „Мелодија“ ги основала во 1991 година со група истомисленици и оттогаш работи како диригент и солист со овој ансамбл со кој веќе одржале над 500 концерти. „Мелодија“ го претставува српското и поширокото православно музичко наследство на концертите и фестивалите во светот, а има издадено и неколку компакт-диска.