Пешачка патека во Радишани

Општина Бутел гради нова пешачка патека што ги поврзува улиците АФЖ и „Ѓоре Ѓорески“ во населбата Радишани. Во најголем дел патеката ќе биде скалеста со неколку рамни платоа за одмор. За осветлување на патеката со нови канделабри, Општината ќе постави и нова електрична инсталација. Граѓаните што живеат десно од третиот влез во населбата Радишани сега наместо да пешачат по улиците на ридестиот терен на населбата, сега ќе можат да ја користат патеката и како покус пат до пазарот, трговскиот центар, училиштето, поштата, градинката и спортските терени. Средствата за изградба на оваа патека се обезбедени од буџетот на Општина Бутел. (Сн.К.)