Насловна

...И уште нешто

Спомен-куќа

За три месеци, Спомен-куќата на Тоше Проески во Крушево ја посетиле околу 70 илјади гости. Директорката на Спомен-куќата, Калиопи Бојческа, појаснува дека секојдневно доаѓаат посетители од целиот свет, а досега Спомен-куќата ја посетиле околу 70.000 гости. „Куќата на нашиот Тоше е отворена за сите посетители, за сите негови фанови“, вели Бојческа.

Летна школа

Со изложба на архитектонски студентски проекти во амбиенталниот манастирски комплекс „Свети Јоаким Осоговски“ кај Крива Паланка, заврши со работа 20. сесија од меѓународната „Летна школа за архитектура 2011 година“. На постановката беа прикажани архитектонски дела од 30 студенти од Македонија, Албанија, Бугарија, Србија и од Босна.

Крушево етноград

Со Манифестот за „Третото туристичко востание”, со пуштањето на гулабите и со развиореното македонско знаме, пред многубројни посетители на платото пред „Македониумот“ свечено е отворена манифестацијата „Крушево етноград“. Градоначалникот на Крушево, Василчо Дамчески, изрази надеж дека Крушево ќе стане посакувана туристичка дестинација.

Без струја

Без струја денес од 17 до 18 часот ќе останат дел од корисниците во населбата Визбегово и објектите „Мусли компани“, Еуро техника“, ИГМ „Вратница“, „Хисар туризам“, „Астекс графика“, „Еурбулс“, „Алма М“, „Кватра“, „Блив“, „Гипсар“, „Колид Анета“, како и другите стопански и нестопански објекти во овој реон.

Штета во училишта

Државниот завод за ревизија утврди значителна штета на компјутерската опрема во училиштата каде што не е обезбедена одговорност и материјално задолжување, а забележува и дека во некои училишта опремата се' уште не е целосно ставена во употреба. Заводот констатира дека „компјутерите и дополнителната опрема не се користат во согласност со целите“.