Ново македонско реално шоу

По долгиот временски период на пливање низ реката од безброј реални шоуа од нашите соседни земји, Канал 5 телевизија реши да ги стави на располагање сите човечки и материјални ресурси и да го претстави најновото македонско реално шоу наречено „Сам свој мајстор“. Оригиналната програма на оваа авантуристичка емисија ќе биде во рацете на 10 машки и 10 женски учесници, кои ќе имаат можност да ја покажат и да ја докажат својата издржливост, упорност, харизматичност и оригиналност. Започнувајќи од 31 мај ќе почнат трите фази на реалното шоу: аудиција, градење куќа и живеење во неа, а само најдобриот ќе ја освои главната премија.

Дваесетте избраници што ќе успеат да ја поминат аудицијата директно ќе се пласираат во втората фаза, а ќе имаат можност да ги покажат своите вештини низ емисиите што ќе бидат прикажувани во живо на брановите на Канал 5 телевизија.

И она што е најинтересно - секој може да биде дел од „Сам свој мајстор“, а потребно е да исконтактирате со телевизијата Канал 5 преку и-мејлот [email protected].