ЗНМ ќе избира ново раководство
Здружението на новинарите на Македонија на 20 ноември ќе одржи Изборно собрание на кое ќе се бираат новите раководни структури. Изборот ќе се одвива по принципот „еден член - еден глас“, што значи дека секој член е и делегат на Собранието со право да гласа. ЗНМ вчера ги повика новинарите, нејзините редовни членови, навреме да ги заверат своите новинарски легитимации, доколку им истекуваат пред Изборното собрание, за да можат да гласаат, но и да ги обноват своите податоци во Здружението.
Зачленувањето, пак, според новиот Статут на ЗНМ, ќе биде со пополнување пристапница, заедно со потврда за професионалниот ангажман, лична биографија и две фотографии. Годишната членарина е 600 денари. (П.Р.) |
