Кадетите тргнаа триумфално

Македонската кадетска репрезентација со победа го отвори Европското првенство Б-дивизија што се одржува во Сараево. Избраниците на селекторот Саша Димитријевиќ во првото коло беа подобри од тимот на Норвешка со 80:57 по четвртини (18:11, 17:15, 25:19, 20:12). Кошаркарите до 16 години во ниту еден момент не му дозволија на противникот вистински да се закани. По позитивата од седум поени во првите десет минути, на полувремето лесно дојдоа до двоцифрени 39:26 и веќе во следниот период стигнаа и до водство од плус 20 поени (71:51).

Блажо Митков со 19 поени и седум скока беше прво име во нашиот табор, зад него беше Ненад Димитријевиќ со 16 поени, седум скока и две асистенции. Впечатлив настап имаше Оливер Двојаковски, имаше шест поени и високи 16 скока. Нашите млади надежи денеска во 17,30 часот играат против селекцијата на Бугарија. (М.К.)