Педесетгодишен пациент во болницата за душевни болести „Бардовци“ во Скопје е пронајден мртов во водите на реката Лепенец кај селото Визбегово. Како што соопшти полицијата, двајца случајни минувачи во понеделникот, околу 15,30 часот, забележале машки труп во реката што тече блиску до установата. Веднаш ги повикале надлежните и тие утврдиле дека станува збор за Бесим Белули (50) од тетовското село Палатица, кој бил на лекување во „Бардовци“. Тој исчезнал во неделата. Првично, на неговото тело не биле забележани знаци на насилство. (Г.А.)
