УЕФА суспендира двајца судии за местење натпревар

Европската фудбалска федерација (УЕФА) соопшти дека суспендира двајца ерменски судии, откако тие признале дека учествувале во местење натпревар во квалификациите за Лига Европа.

Андраник Арсенјан, кој ја имал улогата на главен судија и неговиот помошник Ховханес Авагјан му признале на Фудбалскиот сојуз на Ерменија дека се обиделе да го наместат реванш-натпреварот од првото квалификациско коло меѓу Инте�� Турку (Финска) и Викинг (Фарски Острови) одигран на 11 јуни годинава.

Споменатиот дуел го доби тимот на Викинг со 1:0 и со вкупен резултат 2:1 обезбеди пласман во следната рунда.

Индикациите дека има сомнителни случувања ги потврдил и „системот на УЕФА за контрола на обложувањата“ преку кој се следат над 32.000 натпревари низ Европа, кој пак регистрирал сомнителни уплати за овој натпревар. Тоа дополнително ги поттикнало сомнежите на УЕФА, од каде што решија да спроведат и дополнителна истрага.

Случајот на суспендираните судии ќе го разгледува Дисциплинската комисија при УЕФА на 22 август.