Заштита на изворот со лековита вода во Жегроец

Општина Бутел почна со регулација и заштита на изворот со лековита вода во месноста Жегроец, село Радишани. Со тоа ќе се заштити изворот и неговиот тек до манастирот „Св. Наум Охридски“, кој беше претворен во канализациски канал. Сега каналот е исчистен, истампонирана е нова подлога, а бидејќи каналот ќе биде покриен, во должина од 170 метри ќе бидат поставени регулациски шахти. Тој ќе биде адаптиран во пешачка патека, под која во заштитена бразда ќе тече чистата лековита вода, од изворот до манастирските чешми. Средствата се обезбедени од буџетот на Општина Бутел. (С.Р.)