Карванот продолжува во Кочани, Берово и Виница

По Кавадарци, Скопје, Гостивар и Тетово, каде што во изминатиот викенд се одржаа полуфиналните избори, карванот за Изборот на мис на Македонија 2010 за кралица на светот, вечерва продолжува во дискотеката „Тропикана“ во Кочани (23,30 ч.), утревечер убавиците се во Берово во Ловен дом (21 ч.) и в недела (18 јули) во дискотеката „Ефект“ во Виница (23,30 ч.). Првопласираните од полуфиналните вечери ќе одат дирекно во финалето кое ќе се одржи на 6 август во хотелот „Силекс“ во Охрид. Победничката на изборот ќе ја претставува Македонија на изборот за „Кралица на светот 2010“, кој ќе се одржи во декември во Германија, додека нејзините придружнички ќе учествуваат на „Мис глоуб интернационал 2010“ и „Кралица на универзумот 2010“.