Григор Копров

композитор

Станувам рано наутро, бидејќи денес имам многу професионални обврски. Со оглед на тоа дека се проближува датумот кога ќе започне фестивалот „Макфест“, морам да ги завршам и последните миксови за песните. Вечерва ќе се потрудам да најдам слободно време за блиските пријатели.

Катерина Синадиновска

новинарка

Денот ми почнува во 8 ч. со убав појадок и кафе. Веќе во 10 ч. имам колегиум, а природата на дневното новинарство е таква што никогаш точно не се знае што ќе донесе денот, па дневните настани ги диктираат моите работни обврски. Околу 18 ч. си одам дома, а вечерта планирам да ја поминам во релаксиран муабет на кафе со моето момче.

Миланка Рашиќ

ТВ-водителка

Се' уште сум под импресии од концертот на Мадона во Будва, кој ме воодушеви, па така и денеска е топ-тема за разговор. Претпладнето ми е резервирано за работни договори во МТВ, а попладнето за последните подготовки за семејната прослава в петок - свадбата на Тања и Вангел.