Нова патека за ролери

Градоначалникот Коце Трајановски вчера официјално предаде во употреба нова ролерско-велосипедска патека на кејот на Вардар иако по нејзината должина осветлување ќе се постави дури в година. Тогаш градските власти се надеваат дека ќе постават и чешми за вода како и систем за наводнување на зеленилото. Дури Градот ги реализира плановите, рекреативците кои ќе се одлучат да возат во вечерните часови по левиот брег на Вардар ќе треба да ја минуваат патеката во темнина исто како и аеродромци во делот од катчето „Рибарче“ до Маџир Маало, патека која беше изградена минатата година.

„Свесни сме за проблемот. Проектите за осветлување се во постапка. Се надевам дека на новата патека ќе биде инсталирано светло до идната година, а Аеродром целосно ќе биде покриен со светло до крајот на оваа година“, вети вчера Трајановски. (Дс.Т.)