Што прават денеска

Влатко Плевнеш

музичар

Ја имам привилегијата денот да ми почнува во природа, на мојата тераса со нескафе. По тоа расонување, му се посветувам на аранжманот на уште една песна за новиот албум на „Силви бенд“, кој е во подготовка. Инаку, во меѓувреме во тек е нашата турнеја низ Македонија со мјузиклот „Коштана“, со кој ќе настапиме и на "Охридско лето" во почетокот на август.

Ненад Георгиевски

радио и ТВ-водител

Ден со релативно стандардни обврски, во кој не очекувам некои особени возбудувања. Од 15 до 17 часот во радио „Фортуна“ ја водам мојата редовна емисија „Во движење“, а потоа треба да го водам „Ексклузив“. Крајот на денот посакувам да биде во амбиент на дружење со пријателите.

Даниел Данн

пејач

Денес со мојот тим ќе го финализирам мојот изглед за сцената на фестивалот „Сунчане скале“ што се одржува следниот понеделник (4 јули) во Херцег Нови. Очекувам Сретен повторно да ме изненади со некоја нова идеја за мојата фризура, која, секако, ќе соодветствува со „Се' што ми треба“, темата со која настапувам. Вечерта ќе ја поминам со пријателите во некое од кафулињата.