Што прават денеска

Снежана Стамеска

актерка

Неодамна се вратив од Италија каде што бев во посета кај ќерка ми и се радував играјќи си со петмесечното внуче. Сега сум дома, во скопската зима и настојувам да презимам гледајќи филмови. Во вакви зимски услови некако најпријатно е да се биде во топлиот дом.

Дарко Димитров

композитор и муз. продуцент

Денеска се подготвувам за селекцијата на втората група полуфиналисти од музичкиот избор „Потрагата по ѕвезда“ на М-2. Со оглед дека имаме многу квалитетни кандидати, знам дека нема да ни биде лесна работата во жирито, но подготвен сум за долга работа. Се' што останува од времето е за семејството.

Оливера Чемкова

управ. на школа за франц. јазик

„Жан - Жак Русо“

Во овој период ангажманите ми се насочени околу подготовката на кандидатите што сакаат да полагаат испит за Б-2 сертификат, кој е неопходен за запишување на студии, како и постдипломски студии во Франција. Истовремено, течат и уписите за летниот семестар на курсевите, кои започнуваат идната недела.