Што прават денеска

Рубенс Муратовски

актер

На ден на премиера, обично, немаме проби, ниту, пак, некакви други дополнителни активности. Главно, денот е слободен, како овој денешниов, за концентрација, а вечер од 20 ч. играм во премиерата на „Р“, во режија на Дејан Пројковски, на текст на Јордан Плевнеш. Тоа е прва претстава на Градскиот театар при МКЦ.

Стефан Јакимовски

сликар

Денес завршува мојата прва самостојна изложба под наслов „Мултимедијални игри“ на која покрај графики, слики, скулптури, имав и аудио и видеоинсталација. Изложбата беше поставена во Уметничка галерија - Куманово.Исто така, денеска правам подготовки за студентската изложба на Факултетот за дизајн и мултимедија при ФОН каде што работам како помлад асистент.

Никола Митровиќ

музичар

Бидејќи син ми денеска не е на училиште, претпладнето го минуваме во заедничко дружење. Попладне веќе почнуваат подготовките за вечерашната свирка на една семејна забава. Во меѓувреме, се трудам да видам нешто од емисијата „Зајди, зајди“, што ја снимивме во средата.