Што прават денеска

Венцислав Недев

селектор на карате репрезентација

Целото мое внимание е насочено кон подготовките на балканскиот семинар во традиционално карате што ќе се одржи во Скопје кон крајот на јануари. На семинарот гостин ќе биде Илија Јорга, еден од најпознатите инструктори, носител на појас 10 дан, единствен во Европа.

Иван Бејков

контрабасист

Празници се, Божик, па, логично, со семејството одиме на ручек кај најблиските. Вечерните часови, како и секој ден изминативе неколку месеци, ми се резервирани за вежбање контрабас. Се подготвувам за магистерскиот испит што се надевам ќе го полагам во февруари. А, ако ми остане малку слободно време, ќе работам на новите композиции за следниот албум на „Проект жлуст“.

Бени Шакири

пејач

Се' уште ме држи постпразничното расположение - се одморам, се дојадуваат руската салата и кифлите, уживаме во релаксираната атмосфера. Лежерната атмосфера трае до вечер кога се подготвувам за редовниот настап во клубот „Колосеум“ што почнува по полноќ.