Што прават денеска

Tатијана Тасевска

правен советник во ОПМ

Денот ми почнува со утринско кафе и семејни договори за активностите на ќерка ми во вториот училишен ден. Потоа заминувам на работа каде што ме очекува советување на неколку однапред закажани потрошувачи и подготовки за промоција на две нови брошури на ОПМ во неколку града во Македонија. Попладне морам да присуствувам на родителската средба за да ги добиеме книгите за претстојната школска година.

Благоја Мандаров

вработен во „СиТ Македонија“

По долгата работна година конечно е време и за малку одмор. Дома се прават последните подготовки за новиот член на семејството. Денешниот ден ќе го посветам на себе, ќе го искористам за да се видам со пријателите во некое скопско кафуле, а во вечерните часови ќе играм фудбал со колегите.

Бојана Илијоска

дуо „Џемини“

По долгото убаво лето овие денови почнуваат моите работни обврски. Почнувам со подготовките за „Супер ѕвезда“, што се неизбежни во овој период од годината. Се ближи почетокот на новиот семестар, па сум ангажирана и околу изборот на предметите и подготовката на материјалите за студирање.