Што прават денеска

Петар Ренџов

музичар

Во текот на летово, логично и денес, ќе бидам зафатен со организацијата на „Скопје самер стејџ“, што ќе се случува на платото пред Универзална сала во Скопје. Денеска настапува бендот „Алтер его“. Инаку, денеска започнува и „Скопје блуз-фестивалот“, па „Скопје самер стејџ“ доаѓа како продолжување на блуз-задоволството.

Мирослав Масин

сликар

Денеска заминувам за Словенија, во местото Пивка, каде што во текот на летово треба да учествувам на една графичка работилница. Денешниов ден е за патување, а во деновите во Словенија ќе се препуштам на инспирацијата, творештвото, но нема да бегам од убавините на животот.

Зоран Љутков

ум. директор на Драмски театар

Со мојот стар ансамбл од Велешки театар веќе неколку дека сме на турнеја по Јадранот. Моментално сме во Умаг, каде што утре треба да ја одиграме претставата „Самотијата на памучните полиња“. Претходно, на островот Крк ја одигравме претставата „Мушичка“. Во секој случај, убав почеток на летото.