Што прават денеска

Влатко Илиевски

пејач

Денеска во 11 ч. во кафулето „Тренд“ ќе го промовирам новиот модел на автомобилите „киа – венга“. Потоа ќе возиме еден круг низ Скопје. Попладне сум во студио, каде што го монтираме материјалот од концертот. Секоја среда навечер играм фудбал, па така и денес.

Сашка Димитровска

актерка

Со син ми Калин веќе ја направивме летната преселба во Охрид, каде што планираме да останеме до крајот на август, а можеби и во септември. Бидејќи немам професионални обврски летово, престојот во Охрид ќе го искористам максимално за одмор, но и да погледам нешто од програмата на „Охридско лето“.

Мишко Талески

портпарол на ЦУК

За среќа, нема вонредни ситуации, па и денес сум со вообичаените обврски во Центарот за управување со кризи. Ме очекува секојдневното уредување на веб-страницата, а денес и организирање на медиумите околу посетата на директорот на ЦУК, Тони Јакимовски, на Охридскиот регион, каде што е во тек чистење на речните корита.