Што прават денеска

Каролина Гочева

пејачка

Доцна синоќа или подобро рано утринава заврши доделувањето на регионалните филмски награди на Ем-Ти-Ви во Белград, каде што настапив со „Беј д’фиш“. По напорните проби и снимања во текот на вчерашниот ден, како и присуството на доделувањето, денеска во некое време од денот се враќаме во Македонија. Нема да брзаме да се соочиме со домашната реалност.

Нино Леви

актер

Доколку денеска не ми се јават за натсинхронизација од Сител, тогаш можам да се посветам на моите слободни и рекреативни активности, како што се возење велосипед и шопинг. Театарските обврски ми се некако полабави, со оглед дека привршува сезоната. Всушност, го очекуваме режисерот од Грузија, што треба денес да пристигне и да почнеме да ја работиме „Свадбата на Фигаро“.

Татјана Лазаревска

пејачка

Денешниов ден ми е целосно ангажиран со кариерата на мојот сопруг. Новица утре патува за Австралија, на тринеделна турнеја, што значи дека јас треба да го испеглам и да го спакувам. Веќе се привикнав на состојбата дека мажите колку и да се еманципирани, секогаш повеќе сакаат жените да им ја завршат работата, ха,ха.