Што прават денеска

Драган Спасов-Дац

актер

Денеска со екипата од „Хамлет“ на Драмски театар патуваме во Бугарија. Во следниве три-четири дена треба два пати да ја играме претставата: еднаш во Софија и еднаш во Пазарџик. Всушност, тоа ќе биде гостување и патување на релација Пазарџик - Софија - Пазарџик, а в сабота се враќаме дома, во Скопје.

Кристина Аранудова

пејачка

Веќе бројам ситно до породувањето. Според пресметките на лекарите, тоа би требало да се случи во почетокот на идната недела, па полека се подготвувам. Но, практично, може да се случи и секој момент. Возбудата од очекувањето на мајчинството со секој миг е поголема.

Зоран Џорлев

дир. на ДМБУЦ "Илија Николовски - Луј"

Будењето вообичаено ми е рано и повторно се втурнувам во големите обврски со ДМБУЦ „Илија Николовски- Луј“. Работиме на нова концепција за унапредување на музичкото образование, а одговорноста е голема со оглед дека „Луј“ е единствената средно-образовна институција во Македонија. Сепак, вечерта е за семејството.