Што прават денеска

Огненка Герасимовска

пијанистка

Денеска за мене е посебно убав ден, исполнет со многу активности и возбуда, бидејќи вечерва во 20 ч. во Музејот на град Скопје ќе одржам самостоен концерт во рамките на манифестацијата „Есенски музички свечености“. Ги поканувам љубителите на музиката на Шуман, Чајковски и Прокофјев да дојдат и да уживаме заедно.

Блага Петреска

пејачка

Како што наближува крајот на ноември, така започнуваат понудите за снимање на телевизиските новогодишни програми. Денеска би требало да одам на шопинг да се освежам за претстојните настапи. Инаку, снаата и синот, Ана и Олег, вчера се вратија од Полска, каде што одржаа успешен концерт, па и со нив ќе ги споделам впечатоците.

Јована Стојменовиќ

ТВ-водителка во Сител

Денеска е мојот ред за водење на Утринската програма на Сител, што значи денот ми почнува многу рано. По завршувањето на емисијата, ќе се потрудам да си го надополнам сонот. Сепак, веќе работам и на сценариото на програмата на фестивалот „Роса“, што ќе се одржи во петок, на 26 ноември, а каде што сум ангажирана како водителка.