Што прават денеска

Гордана Деан Поп Христова

кореографка

Поради учеството на „Ребис“ на Меѓународниот натпревар за модерен танц и хип-хоп во Нови Сад, каде што ги освоивме 1. и 2. место, подоцна започнувам со подготовката на новогодишната програма. Завчера се вративме од Нови Сад, а наградите се поголем поттик за ангажманите што не' очекуваат во иднина. Сега предизвикот ни е новогодишната програма.

Сашка Димитровска

актерка

Преку ден внимавам на елката, т.е. на мојот двегодишен син Калин, кој не се откажува од својата намера да го освои врвот на нового��ишно украсеното дрвце. Во меѓувреме, се трудам да завршам и некоја друга работа дома, а вечерва на сцената на мојот матичен театар МНТ, играм во претставата „Вишновата градина“.

Ани Малинкова

пејачка

Денеска е на ред да направам сарма, по желба на децата. Симпатичен повод за да ни започне денот со шега, иако навистина тоа ќе имаме за ручек. Покрај вообичаените домашни работи, денеска имам и снимање во „Ирскиот паб“ во Скопје за новогодишната програма на МТВ.