Ирена Спировска

уредник во Алфа ТВ

Поголемиот дел од новогодишните програми на Алфа ТВ се снимени, па денеска, всушност, работам на подготовките на уште две емисии, што ќе ги снимаме в четврток и в петок. Попладнето и вечерта ми се слободни, па ќе можам, конечно, да се дружам со пријателите што ќе ми дојдат на гости.

Слаѓана Димишкова

политиколог

Денеска од 11 ч. во хотелот „Холидеј ин“ ќе се случи промоција на мојата книга „Слободата на изразувањето и демократијата“, што секако ми го одредува текот на целиот ден. Сепак, и покрај тоа, претходно ги извршувам дневните новинарски обврски во мојата редакција.

Марија Илиевска

биолог

Уште рано наутро се бркам со времето. Обврските ми почнуваат со моето прваче Дарко, а откако ќе го подготвам за на училиште, целосно се посветувам на мамината галеничка Јована. Крадам од времето да завршам некои работи околу семејниот бизнис. Крајот од денот ми поминува во семејната вечера и муабетите со сопругот Дејан, а потоа задолжително потчитнувам некоја страница од книгата „Богат, сиромав“.