Што прават денеска

Данчо Чевревски
- декан на ФДУ

Фантастичен ден - Ден на театарот, ден кога започнуваат 17-те "Скомрахи", кои треба да бидат најмасовните досега. Гостите, некои се пристигнати, некои пристигнуваат, а вечер во Драмски театар, со заедничкиот проект на ФДУ и Конзерваториумот од Грац официјално започнува "Скомрахи".

Тодор Светиев
- професор на ФМУ

Денот најмногу ми го исполнуваат обврските на факултетот, т.е. консултациите со магистрантите. Започнаа и "Денови на македонска музика", па иако оваа година не учествувам активно во оваа манифестација, сепак, со задоволство и професионална љубопитност ќе проследам колку што можам повеќе концерти.

Роберт Билбилов
- музичар

Ништо комплицирано. Станувам малку по 9 часот, брзо завршувам со расонувањето и влегувам во студио, од каде што веројатно ќе излезам доцна во ноќта. Интензивно работиме на снимањето на шесте јазични верзии на евровизиската песна на Тамара, Адријан и Врчак, а се обидувам да украдам и некое меѓувреме да го завршам и мојот албум или барем да пуштам една песна.