Што прават денеска
 Јовица Угриновски
неврохирург
Денеска имам пријатни обврски како кум на прославата на Бадник. Утринава во 8.30 часот со одборот за прослава на Бадник ќе ги посетиме штитениците на Домот за стари лица во Злокуќани. Од 10.30 часот е прославата пред Соборниот храм во Скопје, а потоа одиме на ручек со сите поранешни кумови на Бадник. Вечерта, според народната, „кај да си, за Божик дома да си“, го дочекувам Божик дома, со семејството.
 Тамара Тодевска
пејачка
Од денес, па цел месец пред нас, центар на мојот свет е внукот Вук, кој денеска ни доаѓа во Скопје. Немам обврски за настапи во овој божикен период, па со радост останувам дома на заедничка прослава и дружење со семејството. Всушност, Божик е празник за да се биде со најблиските.  Петар Нечовски
музичар
До крајот на месецов сум во САД, па Бадник и Божик ќе го минам со нашите сонародници во Коломбос, Охајо. Синоќа го прославивме Коледе, па деновиве со песна и дружење ќе се потрудам да го развеселам божикното празнување и со нашинците да ја зачуваме нашата традиција на далечниот американски континент. |
